Gahti Galai #10: KARAI KASANG A MATSAN DUM AI MYIT A LAM (Shakawn 103:1-14) — Kachin Responsive Reading

KARAI KASANG A MATSAN DUM AI MYIT A LAM

(Shakawn 103:1-14)

Woi awn ai wa · Leader (1)

Nye a myit masin e, Yehowa hpe sha-a nga u, Nye kraw lawang mahkra e, shi a chyoi pra ai amying nsang hpe sha-a "nga mu.

Hpung masha ni · Congregation (2)

Nye a myit masin e, Yehowa hpe sha-a nga u, Shi a chyeju yawng hte hpe hkum malap kau et.

Woi awn ai wa · Leader (3)

Na a yubak yawng mayawng, shi raw kau ya ai, Na a ana ahkya mahkra hpe shamai ya nga ai.

Hpung masha ni · Congregation (4)

Na a asak hpe nsung hku hta na shi hkye hkrang la nna, Chyeju hte n-gaw nwai ai nang hpe shagup ya nga ai.

Woi awn ai wa · Leader (5)

Nang gaw, kalang zawn, ram prat bai pra lu hkra, na a aprat hpe mai kaja ai hte shakat nu ai.

Hpung masha ni · Congregation (6)

Yehowa gaw ding man ai bungli galaw nga ai rai nna, Zingri hkrum mahkrum ni hpe daw dan ya nga ai.

Woi awn ai wa · Leader (7)

Shi gaw shi a lam Mawshe hpe, shi a lailen ni, Israela kashu kasha ni hpe, madun dan ya ma nu ai.

Hpung masha ni · Congregation (8)

Yehowa gaw matsan dum ai, sumnung ai, galu kaba nna, Nachying n-gaw nwai ai myit, rawng nga ai.

Woi awn ai wa · Leader (9)

Shi tut nawng e a daru nga ai n rai, Shi prat dingsa e a pawt nga na n rai.

Hpung masha ni · Congregation (10)

Anhte a yubak hte maren, shi bai tai mi ai n rai. Mara lu ai hte maren, anhte hpe ari jaw mi ai, n rai.

Woi awn ai wa · Leader (11)

Lamu gaw aga hta tsaw nga ai hte maren, Shi a n-gaw nwai myit, shi hpe hkrit kamyin ai ni a ntsa e, a galu kaba nga lu ai.

Hpung masha ni · Congregation (12)

Sinpraw maga gaw, sinna maga hte tsan nga ai hte maren, Shi anhte a yubak hpe anhte hte shatsan kau ya mi ai.

Woi awn ai wa · Leader (13)

Kawa gaw kasha ni hpe matsan dum lama ai zawn, Yehowa gaw shi hpe hkrit kamyin ai ni hpe matsan dum lama nga ai.

Hpung masha ni · Congregation (14)

Anhte a hkum tsawp hpe shi chye ya nga ai, Anhte ga nhpu rai nga ga ai hpe, shi dum nga ai.

Complete Gahti Galai Directory — All 53 Kachin Responsive Readings

Gahti Galai comprises 53 liturgical scripture readings used in Jinghpaw (Kachin) Christian worship services, structured for alternating proclamation between the worship leader (Woi awn ai wa) and congregation (Hpung masha ni). Select any reading below to open its full text.