Gahti Galai #15: MARI A SHAKAWN KUNGDAWN GA (Luka 1:46-55) — Kachin Responsive Reading

MARI A SHAKAWN KUNGDAWN GA

(Luka 1:46-55)

Woi awn ai wa · Leader (1)

Nye myit masin dai Madu hpe shagrau li ai; Nye wenyi mung ngai hpe hkye la ai Madu Karai Kasang hta kabu gara li ai.

Hpung masha ni · Congregation (2)

Shi a mayam jan a myit gyip ai hpe shi mada yu nu ai; Yu u, ya kaw nna shu mashi shu masha prat dingsa, ngai hpe a"lu ai, ngu na ma ni ai.

Woi awn ai wa · Leader (3)

Atsam rawng ai wa gaw, ngai hpe galu kaba ai galaw ni ai; Shi a amying nsang chyoi pra lu ai:

Hpung masha ni · Congregation (4)

Shi hpe hkrit kamyin ai ni a ntsa e, shu mashi shu masha du hkra, Shi a matsan dum ai myit a nga nga ai.

Woi awn ai wa · Leader (5)

Shi a lahpum hte atsam pra di nu ai; Tinang kraw e maw ai hku hta gumrawng nga ai ni hpe, shi shabra kau nu ai.

Hpung masha ni · Congregation (6)

Du magam ni hpe tingnyang na jahkrat kau nna, myit gyip ai ni hpe shagrau ya nu ai.

Woi awn ai wa · Leader (7)

Kawsi hkrum ai ni hpe kaja ai hte jahkru shakat nna, sut su ai ni hpe kaman dat dat nu ai.

Hpung masha ni · Congregation (8)

Anhte a ji wa ni hpe tsun da sai hte maren, Abraham hte shi a kashu kasha ni hpe,

Woi awn ai wa · Leader (9)

Prat dingsa matsan dum ai lam dum nga na matu, Shi a shangun ma Israela hpe lanu lahku nu ai.

Complete Gahti Galai Directory — All 53 Kachin Responsive Readings

Gahti Galai comprises 53 liturgical scripture readings used in Jinghpaw (Kachin) Christian worship services, structured for alternating proclamation between the worship leader (Woi awn ai wa) and congregation (Hpung masha ni). Select any reading below to open its full text.